بیبل اعلان

بیبل۔ جی ہاں، جِتھے چھڈیا سی اوتھوں ای شروع کرنے آں۔ بُرج نُوں اسمان نال ملانا اے تاں کہ تُسی اُتلی چھت والے جنے تے جنانی نال گِیٹِیاں کھیڈ سکو۔ ساڈی عمارت دے نقشے عالمگیری نیں، اِسلئی ہُنیں اپنی جِیب کھِچ کڈّو کہ توانُوں اَیدی لوڈ نہیں ہوئے گی۔ تے جِدوں تک اَیہ کَردے او پئے، اپنا لِیراں لتھیا تہذیبی سامان لئو، اَینُوں رُوحانی ٹِکیاں نال بھرو، تے اَینُوں اَسمان دے نال ٹنگ دیئو۔ اَج ایک جشن ہونا اے تے اسی ایس تہذیبی "پنیاٹے" توں اَیدے پھٹن تک پھنڈدیاں رہنا وے۔

بیبل تُہاڈی زبان بولدا اے۔ بیبل تُہاڈے نال کھڑا اے، پَیر تُوں پَیر تے اَکھ تُوں اَکھ تک۔ بیبل ہمیشہ دُوجا گَل وی اگّے کردا وے۔ بیبل تُہاڈِیاں مِنتاں کردا اے کہ ساڈے دِلاں وِچ اپنے ہَتھ ڈبوئو تے اَیناں نُوں پھاڑ کَڈّو۔ ایہ تُہاڈے نیں۔ پر بیبل تابعداری دی مانگ کردا اے۔ ساڈا آقا ہون واسطے تُہاڈا ساڈا غلام ہونا ضروری اے۔ اسی اَیسے جرنَیل آں جیہڑے اَیڈے عقلمند ہے نیں کہ قیادت نہ کرن، ایسے پیادے آں جیہڑے اَینا کُ جاندے نیں کہ تابعداری نہ کرن۔ ساڈِیاں صفاں چ شامل ہوئو۔ کمزوراں نُوں اسی اپنے بادشاہ بناواں گے۔ ڈاڈھیاں نُوں؟ اوناں نُوں اسی اپنے مسخرے بناواں گے۔ بیبل تُہانُوں دعوت دیندا اے کہ بے پردہ ہو کے کائناتی سرگم وِچ نچّو - اِک کدی نہ ختم ہون والی تال نال اِٹ تے اِٹ رکھدیاں اسماناں وَل۔